logo logo

MGA NABUHAT NI PRESIDENT DUTERTE SULOD SA USA KA BULAN

Sa milabay nga bulan sa Hulyo, daghan na ug nabuhat si President Rodrigo Duterte isip ika-16 nga Chief Executive sa nasud. Walay gisayang nga panahon si Duterte sukad nga nagsugod kini sa pag-serbisyo kaniadtong Hunyo 30.Atong sayron ang iyang mga nabuhat sulod sa 30 ka adlaw:

  • Gidasig niya ang security forces arun himuon ang ilang trabaho bisan paman sa mga kritisismo sa human rights groupkalabot sa extrajudicial killings sa mga gidudahang drug personalities. Kapin 300 ka drug users ug pushers ang namatay ug libuan ang mga misurrender gikan Hulyo 1 hangtud 27, base sa datus gikan sa Philippine National Police. Sa State of the Nation Address (SONA) niini kaniadtong Hulyo 25, hugtanong gisaysay niini nga dili siya muhunong hangtud nga dili pa mu-surrender ang pinaka-uwahing Drug Lord sa nasud.
  • Gipakuratan sab ni Pangulong Rodrigo Duterte ang tibuok nasud human niya gibutyag ang mga pangalan sa mga gidudahang protektor sa illegal drug trade. Nalakip dinhi ang retired generals nga sila Marcelo Garbo ug Vicente Loot. Apil sab ang mga aktibong opisyal nga sila Chief Superintendents Joel Pagdilao, Bernardo Diaz ug Edgardo Tinio.Hugot nga gilimod sa lima ang maong akusasyon.
  • Bisan paman sa love-hate relationship niini sa Media, gipirmahan sa Presidente ang executive order sa Freedom of Information kaniadtong Hulyo 24, butang nga makahatag ug kasiguraduhan sa ordinaryong Pilipino kalabot sa anti-corruption nga gustong iduso ni Duterte sa iyang administrasyon. Pinaagi sa EO, available na ang mga detalye sa government transactions ug dokumento sa mga government agencies.
  • Samtang, isip lider sa nasud,giduso niini ang pakig-alayon sa Moro groups.Gi-aprubahan niini ang peace roadmap sa nasud, lakip na ang resumption sa peace negotiations tali sa Communist Party of the Philippines/New People’s Army/ National Democratic Front. Gikonsidera sab niini ang pagpasa sa Bangsamoro Basic Law. Sa iyang SONA, nagdeklara siya ug unilateral ceasefire sa mga rebelde.
  • Sa international front – nagkahinabi si Duterte ug si US Secretary of State John Kerry Malakanyang kaniadtong Hulyo 27 alang sa mga nag-unang isyu sama sa Maritime Security ug West Philippine Sea.Gihulat pa karon ang mga lakang nga himuon ni Duterte kalabot sa ruling sa Permanent Court of Arbitration kalabot sa South China Sea.Nangayo sab kini ug tabang sa mga high-ranking government officials. Nahimong makasaysayan sab ang panagtigom sa lima ka mga nahimong Presidente sa nasud nga sila Fidel Ramos, Joseph Estrada, Gloria Macapagal Arroyo, Noynoy Aquino ug Rodrigo Duterte. Kini atol sa nahitabong National Security Council Meeting.
  • Samtang, uwahing gikanayon sa Presidente nga boring sa Malakanyang, ug dili siya malipayon tungod nag-inusara siya. Dili sab siya komportable tawagon ug ‘His Excellency’ sa mga official communications ug events. Ug, mas gusto gihapon niyang tawagon siyang ‘Mayor’ imbes nga Presidente.

Source: GMA

bottom

Leave a Reply

Your email address will not be published. Required fields are marked *

bottom